Film industry ek abhutpurva aakrshan

Rajesh Shringarpure Biography
September 28, 2017
2018: बॉक्स ऑफिस की रेस में सितारे
January 5, 2018

Dadasaheb phalke ne 1913 me pehli film banayi ‘Raja harishchandra.’ Yahi se bharat me cinema ka janm hua. dhire dhire ye film industry ne bhartiya janta ke par itna asar kar diya ki desh ke kone kone me cinema pahuch gaya. kone kone se kalakar is industry me apna bhavishya banane aaye. Kayi kalakaro ka nasib chamka aur unhone shoharat ki bulandiyo ko chua.. to kayi misalein kayam ki.. lekin kayi log aise bhi huye jo industry me kadam bhi nahi rakh paye. Aisa nahi ki unme hunnar ki kami thi ya adakari ki kasauti par khare na the.. ise kismet ki baat kahe ya sahi zariyaa na mil pane ko mane.

Iske baad chote parde yani TV ka bharat me 1971 me uday hua. Aarambh me doordarshan aur 90 ke dashak me kayi television channelo ka agaman hua. Dekhte hi dekhte TV industry ne is khubsurat duniya me jabrdast pakad bana li.jiske badaulat saikdo hi nahi hazaro funkaron ko kala ki duniya mein apni adakari aur apne fun ka jauhar dikhane ka mauka mila. Aahista aahista purani taknikiyo par adhunik taknikon ka varchasv badhta chala gaya. Naye naye gadgets aur technology ka janm hota gaya.aaj alam ye hai ki mobile phones, computers aur apps ke zariye cinema aur cinema se jude kayi products ya fir kahe kalakar ghar ghar tak pahuch gaye.naye naye kalakaro ko ab sangharsh ka wo zokhim nahi uthana pad raha jo aaj se 20 -40 saal pehle dikhna padta tha. Aaj in madhymo ke zariye kalakaro ko apna hunar dikhane ke raste anayaz khul gaye.

Jis tarah naye log judte chale gaye aur judte ja rahe hain aisa lagta hai jaise kala aur kalakaro ki duniya ek gaon me tabdeel ho gayi hai.sari duniya simat si gayi hai aur ye virat duniya jo simat si gayi hai wo mobile phone me sama gayi hai. Social media jaise facebook, twitter, youtube, whatsapp aur instagram ne mano kalakaro ke liye mano vardan hai. Aaj kala ke kadrdaan kala se jude har fun ko apni mutthi me sama liye hai ye kehna galat nahi hoga.

Takniko ke sath kalakaro ko zariya to khub mil rahe hai par ek baat ye bhi hai ki nit naye aa rahe taknik nirdeshko ko aur kalakaro ki pratibhao par haavi ho rahe hai. Kayi mayno me cinema kala ki prastuti ke bajay business banker reh gaya hai. Hum ye bhul gaye ke film industry ka pehla cinema ‘raja harishchandra’ tha par bhavnao ko adarsh roop me pesh karne ki is duniya me imandari hum khote ja rahe hain.

Leave a Reply

Your email address will not be published. Required fields are marked *